我帶唔帶飯, 關你鬼事? 我係唔係減肥, 又關你鬼事? 我食唔食, 食乜野, 更關你鬼事????

我一d都唔覺得你咁做係關心我, 你只係口沒遮欄從不理別人感受咁重重覆覆, 沒完沒了好無聊咁去取笑我! 夠了吧???????

若不是今天有新同事來, 要歡迎佢所以一齊出去食飯.... 我根本就唔想出去食。真係想訂了枱, 去幫你地攞了位就自己返Office, 食乜都好........

就算係同事幫我挾了一隻蝦餃, 你都呱呱叫, 話我: 你食乜野蝦餃丫.... 你食菜啦!.... 一陣又話: 樣樣都好肥架喎...... 你唔好食了! 哈哈哈......

真想即刻走人..... 但局住忍佢........... 好辛苦!

早兩日, 個衰人又叫我一齊叫外買Pizza, 我話我唔食呀, 咁肥...... 你地自己叫啦..... 但佢地係咁叫我食啦食啦.. 一齊食啦.... 唔怕啦..... 但我一於無動於衷。最後佢地改變想食麥當當, 竟然寫滿一張外賣單, 個衰人竟要我幫手同佢地打電話落單。激死, 我都忙到死了.... 又唔係我食, 又唔關我事, 重要催我快d打去落單。呢d唔係叫"搵笨", 係乜?

幫同事叫外賣本來好少事, 但前前後後的事, 真係令我感到好鬼嬲!